សម្ព័ន្ធខ្មែរ

អាចោរសៀមចង្រៃ ពេលណាទើបវាឈប់ស្រេកឃ្លានទឹកដីខ្មែរទៀត?

សម្ព័ន្ធខ្មែរ — Fri, 15 May 2009 05:18:04 +0000

មន្ត្រីព្រំដែនខ្មែរ៖ ការអះអាងរបស់ថៃអាចធ្វើឲ្យខូចគម្រោងបោះបង្គោលព្រំដែន

ដោយ សាវយុត

2009-05-14

មន្ត្រី គណៈកម្មាធិការព្រំដែនកម្ពុជាបានសម្ដែងការព្រួយបារម្ភថា ការអះអាងរបស់មន្ត្រីក្រសួងការបរទេសថៃ កំពុងតែធ្វើឲ្យខូចនូវគម្រោងឈានទៅមុខនៃការបោះបង្គោលព្រំដែន រវាងខ្មែរ-ថៃ ដែលគេបានព្រមព្រៀងថា នឹងចាប់ផ្តើមនាពេលឆាប់ៗនេះ។

RFA File/Savyuth

ទាហានខ្មែរដើរល្បាតនៅតំបន់ប្រឈមមុខប្រដាប់អាវុធជាមួយទាហានថៃក្បែរប្រាសាទព្រះវិហារ នាថ្ងៃទី១៣ តុលា ២០០៨។

ប្រតិកម្មដោយខឹងសម្បាយ៉ាងខ្លាំងនេះ គឺនៅក្រោយពេលដែលកាសែតឈ្មោះ The Nation បានចុះផ្សាយថា ថៃបានអះអាងថា តំបន់ដែលរងការឆាបឆេះកាលពីថ្ងៃប៉ះទង្គិចគ្នានោះ ជារបស់ថៃ។

លោក វ៉ា គឹមហុង ប្រធានគណៈកម្មាធិការព្រំដែនកម្ពុជា បានបដិសេធច្រានចោលចំពោះសម្ដីនោះថា តំបន់ផ្សារនិងភូមិដែលប្រជាពលរដ្ឋខ្មែររស់នៅខាងក្រោមប្រាសាទ ព្រះវិហារគឺជាទឹកដីខ្មែរដោយមិនស្រពេចស្រពិលទេ ដោយយោងទៅលើផែនទីផ្លូវការដែលគណៈកម្មាធិការព្រំដែននៃប្រទេសទាំង ពីរកំពុងប្រើប្រាស់ក្នុងការវាស់ខ័ណ្ឌសីមានិងបោះបង្គោលព្រំដែន គឺផែនទីរបស់គណៈកម្មការចម្រុះបារាំង-សៀម ធ្វើឡើងបន្ទាប់ពីអនុសញ្ញាឆ្នាំ១៩០៤ និងភស្តុតាងសំខាន់គឺយោងទៅតាមសាលក្រមតុលាការអន្តរជាតិក្រុងឡាអេ ឆ្នាំ១៩៦២ ដែលបានកាត់ឲ្យកម្ពុជាឈ្នះក្តី។

លោក វ៉ា គឹមហុង ថ្លែងយ៉ាងដូច្នេះថា ៖ «សំអាងលើផែនទីដងរែក ដែលជាផែនទីឧបសម្ព័ន្ធមួយ ដែលដាក់ប្រាសាទព្រះវិហារ តំបន់ប្រាសាទព្រះវិហារ ក្នុងទឹកដីខ្មែរ ក្រោមអធិបតីភាពខ្មែរ ដូច្នេះ វាច្បាស់ណាស់ វាគ្មានអីនឹងស្រពេចស្រពិលអី រឿងអីថៃរំលោភយកទឹកដីយើងនៅពេលនេះ វាមិនសម គួរតែថៃគោរពច្បាប់ គោរពសាលក្រមតុលាការក្រុងឡាអេ ដែលបញ្ជាក់រួចហើយ»។

ជាមួយគ្នានឹងប្រតិកម្មខឹងសម្បានេះ ពលទាហានខ្មែរនិងពលរដ្ឋខ្មែរដែលរស់នៅតំបន់នោះក៏បានសម្ដែងការ អន់ចិត្តស្រដៀងគ្នានេះដែរ។

អ្នកស្រី កុត ណាវី ជាប្រជាពលរដ្ឋខ្មែរដែលបានទៅរស់នៅក្នុងភូមិខាងក្រោមប្រាសាទព្រះ វិហារតាំងពីឆ្នាំ១៩៩៨ មកម្ល៉េះ បានរៀបរាប់ថា បន្ទាប់ពីទីនោះត្រូវអតីតទាហានខ្មែរក្រហមចុះចូលជាមួយរដ្ឋាភិបាល គឺសុទ្ធតែគ្រាប់មីនកប់ក្រោមដី និងក្រោយមក ទាហានរដ្ឋាភិបាលបានបោសសំអាតមីន ទើបអនុញ្ញាតឲ្យប្រជាពលរដ្ឋចូលមករស់នៅ ហើយទាហានខ្មែរបានបោះទីតាំងនៅខាងមុខទៅទៀត ដែលគាត់ធ្លាប់ឃើញតែថៃមកសុំខ្មែរចូលមើលប្រាសាទប៉ុណ្ណោះ ៖ «ទឹកដីខ្មែរហ្នឹងហើយ បានខ្មែរនៅបាន បើដីថៃ ថៃម៉េចឲ្យយើងនៅដោយសុខស្រួល»។

មន្ត្រីកងរាជអាវុធហត្ថមួយរូបដែលបានទៅបោះស្នាក់ការនៅខាង ក្រោមប្រាសាទព្រះវិហារនៃតំបន់ផ្សារតាំងពីឆ្នាំ២០០១ បានមានប្រសាសន៍ថា គាត់ប្រាកដទីនោះជាទឹកដីខ្មែរ ៖ «ថៃមកទិញសំបុត្រ មកទស្សនាប្រាសាទយើង។ មន្រ្តីរបស់វាមានធម្មតាបន្តិចបន្តួច»។

សូមបញ្ជាក់ថា ទំនាស់ព្រំដែនប្រឈមមុខគ្នាជាថ្មី បានកើតឡើងនៅក្រោយពេលដែលកម្ពុជាបានដាក់ប្រាសាទព្រះវិហារចូលទៅ ក្នុងបញ្ជីបេតិកភណ្ឌអន្តរជាតិនៅក្នុងការស្វែងរកការថែរក្សាពី ពិភពលោកហើយ ដោយសារទំនាស់នេះការប៉ះទង្គិចគ្នានៅតំបន់ប្រាសាទ បានផ្ទុះឡើងចំនួន ៣ដងរួចមកហើយ ដែលការប៉ះប្រយុទ្ធគ្នាចុងក្រោយ បណ្តាលឲ្យទាហានថៃបានបាញ់ផ្លោងឆេះផ្សារនិងផ្ទះប្រជាពលរដ្ឋខ្មែរ ជា ២៥០ខ្នង កាលពីថ្ងៃទី៣ ខែមេសាកន្លងមក ហើយក៏បាននាំឲ្យរដ្ឋាភិបាលខ្មែរទាមទារសំណង ចំនួនជាងពីរលានដុល្លារសហរដ្ឋអាមេរិក៕

RFA

យក្សនេះគួរអោយខ្លាចណាស់

សម្ព័ន្ធខ្មែរ — Wed, 29 Apr 2009 03:47:32 +0000

ពេលដើរព្រៃបើបានឃើញបែបនេះមែន ខ្ញុំរត់ផាស់ក្រញ៉ាំហើយ ហិហិហិហិ

ទូរស័ព្ទសម្លាប់យុវជនម្នាក់

សម្ព័ន្ធខ្មែរ — Thu, 23 Apr 2009 23:35:10 +0000

កាលពីពេលថ្មីៗនេះខ្ញុំបានស្តាប់វិទ្យុអេហ្វអិម ពត៌មានពេលព្រឹកបាននិយាយថា មានយុវជនម្នាក់ឈ្លោះគ្នាជាមួយគូសង្សារតាមទូរស័ព្ទ
ហើយក្រោយមកក៏ធ្វើអត្តឃាតដោយចងកស្លាប់ ពីព្រោះតែមិនមានការចុះសម្រុងគ្នា ។ ពត៌មាននោះបញ្ជាក់ថា សេ្នហារបស់គេទាំង
ពីអ្នកនោះគឺស្នេហាតាមទូរស័ព្ទដែលមិនទាន់ដែលបានឃើញមុខគ្នាទាល់តែសោះ ។ ព្រះអើយមើលចុះ!

ដូចបងបឿនថាមែន ងប់នឹងស្រីចង្រៃមួយជាតិ ។ ហិហិហិ

ភូមិវប្បធម៌ៈ រូបភាពការតស៊ូរបស់ព្រះបាទជ័យរ្ម័ន និង អាពាហ៍ពិពាហ៍ខ្មែរ

សម្ព័ន្ធខ្មែរ — Thu, 23 Apr 2009 23:08:08 +0000

The Greatest King – Jayavarman VII

(Fri- Sun at 19h00-20h05)

………………………………………………..

………………………………………………

……………………………………….

……………………………………..

Khmer Wedding Ceremony Show

Traditional Khmer Wedding until the present for Khmer people. There are a groom as a visitor, a bride, groom’s parents as visitors, bride’s parents, best men, master of ceremony, participants, ….We perform two time a day at 10h35-11h05 and 15h15-15h45 at the Millionaire house.

………………………………..

…………………………………………….

……………………………………………..

ភូមិវប្បធម៌កម្ពុជាៈ ផ្ទះពីសម័យមុន

សម្ព័ន្ធខ្មែរ — Thu, 23 Apr 2009 02:01:58 +0000

ភូមិខ្មែរ

ចុចត្រង់នេះដើម្បីមើលរូបជាច្រើនទៀត

តើមានអ្នកទិញស្បែកជើងប៉ុល ពត ដល់ទៅ៥០ម៉ឺន ដុល្លារទេ?

សម្ព័ន្ធខ្មែរ — Wed, 22 Apr 2009 04:00:12 +0000

ខ្ញុំបានឃើញពត៌មាននិយាយអំពីការដាក់ឲ្យដេញថ្លៃស្បែកជើងសង្រែករបស់លោកតា ប៉ុល ពត ដែលការដេញថ្លៃនោះចាប់ផ្តើមពី៥០ ម៉ឺនដុល្លារឡើងទៅ។ តើអស់លោកយល់ថាមានអ្នកទិញដែរទេ? បើគេទិញតើគេទិញយកធ្វើអីដែរ?

សារមន្ទីរក្រមួននៅភូមិវប្បធម៌កម្ពុជា

សម្ព័ន្ធខ្មែរ — Wed, 22 Apr 2009 03:44:23 +0000

ប្រហែលជាប្រិយមិត្តយើងមួយចំនួនធំធ្លាប់បានទៅទស្សនាកំសាន្តនៅភូមិវប្បធម៌កម្ពុជារួចហើយ
រូបភាពខាងក្រោមនេះគឺជារូបថតនៅសារមន្ទីរក្រមួននៅទីនោះ មើលរូបភាពសិនចុះ បើចាប់អារម្មណ៍ចាំទៅមើលផ្ទាល់តាម៉ង។

ចុចទីនេះដើម្បីមើលរូបជាច្រើនទៀត…

ស្បែកជើងសង្រែករបស់ ប៉ុល ពត នឹងត្រូវដាក់ឲ្យដេញថ្លៃ

សម្ព័ន្ធខ្មែរ — Tue, 21 Apr 2009 07:36:27 +0000

ដោយ សាន សុវិទ្យ
2009-04-21

លោក ញ៉ែម អេន អតីតអ្នកថតរូបនៅគុកទួលស្លែងបានមានប្រសាសន៍កាលពីម្សិលមិញថា លោកនឹងដាក់ឲ្យគេដេញថ្លៃនូវស្បែកជើងសង្រែករបស់មេខ្មែរក្រហម ប៉ុល ពត ព្រមទាំងប្រដាប់ថតរូបដែលលោកប្រើក្នុងការថតរូបអ្នកទោសក្នុងគុក ទួលស្លែងនិងថតពិធីផ្លូវការសំខាន់ៗរបស់របបខ្មែរក្រហម។

លោក ញ៉ែម អេន ដែលបច្ចុប្បន្នជាអភិបាលរងស្រុកអន្លង់វែង ខេត្តឧត្តរមានជ័យ បានប្រាប់ទីភ្នាក់ងារព័ត៌មានបារាំង AFP ថា ការដេញថ្លៃនេះនឹងចាប់ផ្តើមពី៥០ម៉ឺនដុល្លារឡើងទៅ ក៏ប៉ុន្តែលោកមិនបានបញ្ជាក់ថា ការដេញថ្លៃនឹងធ្វើនៅទីណាឬនៅពេលណានៅឡើយទេ។

ស្បែកជើងសង្រែករបស់ ប៉ុល ពត ដែលបានទទួលអនិច្ចកម្មកាលពីឆ្នាំ១៩៩៨ធ្វើអំពីកៅស៊ូកង់ឡាន រីឯប្រដាប់ថតរូបមួយផលិតនៅប្រទេសអាល្លឺម៉ង់ មួយទៀតនៅជប៉ុន។

លោក ញ៉ែម អេន សង្ឃឹមថា ប្រាក់ចំណូលដែលនឹងបានពីការដេញថ្លៃនេះលោកនឹងយកទៅសាងសារមន្ទីរ មួយសម្រាប់តាំងបង្ហាញរូបថតនិងវត្ថុផ្សេងៗពីសម័យខ្មែរក្រហម រួមទាំងបង្គន់របស់ ប៉ុល ពត ផង៕

គេហទំព៌រអាស៊ីសេរី

អាជ្ញាធរខែត្របន្ទាយមានជ័យរកវិធីប្រមូលអ្នកញៀនថ្នាំចូលក្នុងមណ្ឌលកែប្រែវិញ

សម្ព័ន្ធខ្មែរ — Tue, 21 Apr 2009 03:28:52 +0000

ដោយ សុផល មុន្នី
2009-04-20

អាជ្ញាធរ ប៉ូលិសខេត្តបន្ទាយមានជ័យកំពុងរិះរកយុទ្ធវិធីដើម្បីប្រមូលអ្នកញៀន ថ្នាំចំនួន២០នាក់ដាក់ចូលក្នុងមណ្ឌលកែប្រែវិញ បន្ទាប់ពីក្រុមអ្នកញៀនគ្រឿងញៀនទាំងនោះបាននាំគ្នាសំរុកហែករបង ចេញពីមណ្ឌលកែប្រែកាលពីថ្ងៃទី១៣ ខែមេសា។

លោកឧត្តមសេនីយ៍ត្រី ហ៊ុន ហ៊ាន ស្នងការនគរបាលខេត្តបន្ទាយមានជ័យបានមានប្រសាសន៍នាព្រឹកថ្ងៃច័ន្ទ ទី២០ ខែមេសា ថា ៖ «ឥឡូវ ហ្នឹងយើងកំពុងប្រជុំដើម្បីពិភាក្សារកវិធានការណាដើម្បីទៅប្រមែ ប្រមូលបងប្អូននោះត្រឡប់មកវិញ ព្រោះយើងមានបញ្ជីមានឈ្មោះនិងស្រុកកំណើតរបស់គាត់អស់ហើយ»។

កាលពីល្ងាចថ្ងៃទី១៣ ខែមេសា មុនថ្ងៃបុណ្យចូលឆ្នាំខ្មែរ អ្នកសេពគ្រឿងញៀន២០នាក់នៅមណ្ឌលជីវិតថ្មីភ្នំបាក់ ស្ថិតក្នុងឃុំទឹកថ្លា ស្រុកសេរីសោភ័ណ ខេត្តបន្ទាយមានជ័យ បាននាំគ្នាសំរុកហែករបងមណ្ឌលចេញ។

ចុងភៅនៅក្នុងមណ្ឌលឈ្មោះ សារិ សារ៉ូ អាយុ៦២ឆ្នាំ បានរៀបរាប់ពីសកម្មភាពអ្នកគេចចេញពីមណ្ឌលយ៉ាងដូច្នេះថា ៖ «វា រត់ចេញ ប៉ូលិសចាំមុខទ្វារបើកចេញ… ដល់វាចេញមកបានវារុញច្រានទ្វារ ធាក់ទ្វារ ចាប់ច្របាច់កប៉ូលិស រត់បណ្តោយ រត់បែកសំពោងបណ្ដោយ… ប៉ូលិសម្នាក់ឯង»។

លោក ផ្លុង ឃាន ប្រធានមណ្ឌលជីវិតថ្មីភ្នំបាក់មិនអាចសុំការបញ្ជាក់ជុំវិញបញ្ហា ខាងលើនេះបានទេ ប៉ុន្តែតាមប្រសាសន៍លោកឧត្តមសេនីយ៍ត្រី ហ៊ុន ហ៊ាន គឺស្នងការដ្ឋាននគរបាលខេត្តបានដាក់កម្លាំងប៉ូលិស១៥នាក់ចែកវេន គ្នាយាមការពារនៅគ្រានោះ។

លោកបន្តថា ក្រុមអ្នកញៀនថ្នាំ៣០នាក់បានមកនៅក្នុងមណ្ឌលកែប្រែអស់រយៈពេល៦ ទៅ៧ខែហើយ ហើយថាការនាំគ្នារត់ចេញនេះទំនងជាដោយសារតែពួកគេចង់ចូលរួម កម្សាន្តក្នុងឱកាសបុណ្យចូលឆ្នាំខ្មែរ។

អ្នករត់ចេញពីមណ្ឌលម្នាក់បានថ្លែងឲ្យដឹងតាមទូរស័ព្ទថា មូលហេតុដែលពួកគេនាំគ្នាសំរុកចាកចេញដោយសារពួកគេមិនអាចទ្រំានឹង អំពើទារុណកម្មនៅទីនោះបាន ៖ «គេវ៉ៃពេក ពេលយើងចូលទៅគេវ៉ៃប្រហែល១៥ដំបង អត់ដឹង! ចូលទៅគេថាបង់ពន្ធ ចូលទៅគេវ៉ៃ។ ខ្ញុំចូលបាន៧ខែជាងហើយ ថ្ងៃណាទៅគេយកទៅចងក្នុងបង្គន់ វ៉ៃក្នុងបង្គន់ យើងសន្លប់ ចាក់ទឹក…»។

មណ្ឌលជីវិតថ្មីភ្នំបាក់គឺជាមណ្ឌលអប់រំកែប្រែមួយរបស់ រដ្ឋាភិបាលក្នុងចំណោមមណ្ឌល១៤កន្លែងក្នុងប្រទេសកម្ពុជា ហើយថាមណ្ឌលកែប្រែខាងលើកន្លងមកក៏ធ្លាប់មានអ្នករត់ចេញជា ញឹកញាប់ដែរ ប៉ុន្តែមិនមានចំនួនច្រើនដូចលើកនេះទេ។

យោងតាមប្រសាសន៍ លោក ម៉ឹក ដារ៉ា អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន គឺថាមានអ្នកញៀនថ្នាំទូទាំងប្រទេសកម្ពុជាចំនួន៦៥០០នាក់ ហើយក្នុងមណ្ឌលកែប្រែទាំង១៤មណ្ឌលអាចទទួលបានចំនួនអ្នកញៀនថ្នាំ បានតែ១២០០ទៅ១៣០០នាក់ប៉ុណ្ណោះ៕

RFA

ប្រភពកំណើតនិងតួនាទីរបាំនៅកម្ពុជា

សម្ព័ន្ធខ្មែរ — Sun, 19 Apr 2009 03:32:50 +0000

សិល្បៈរបាំរបស់ប្រទេសកម្ពុជារហូតមកដល់សព្វថ្ងៃនេះ ត្រូវបានបែងចែកជា ៣ក្រុមឲ្យឈ្មោះខុសៗគ្នាទៅតាមលក្ខណៈពិសេសរបស់
ក្រុមរបាំនីមួយៗនោះគឺរបាំក្បាច់បុរាណខ្មែរ របាំប្រពៃណីនិងរបាំប្រជាប្រិយ ។

ផ្អែកលើការសរសេរបង្ហាញរបស់លោកពេជ្រ ទុំក្រវិល នៅក្នុងសៀវភៅ “ របាំខ្មែរ” បានឲ្យដឹងថា របាំក៏ដូចជាល្ខោន តន្ត្រី ចម្រៀង កំណាព្យ
ចម្លាក់និងទម្រង់សិល្បៈដទៃទៀតទាំងអស់ដែរគឺសុទ្ធតែជាតម្រូវការរបស់ទាំងអស់ ។ ចាប់តាំងពីថ្ងៃកើតរហូតដល់ថ្ងៃស្លាប់ ជីវិតខ្មែរត្រូវការ
សិល្បៈជាចាំបាច់ ពោលគឺចាប់តាំងពីពេលកើតជាទារកត្រូវការច្រៀងបំពេរពីម្តាយ…រហូតដល់ស្លាប់ក៏ត្រូវការសំឡេងស្មូតព្រះធម៌ជំនួសមក
វិញដែរ ។ សៀវភៅ “ របាំខ្មែរ” បានសរសេរឲ្យដឹងទៀតថា ក្នុងជីវិតរស់នៅខ្មែរសុទ្ធតែមានសិល្បៈ ពោលគឺសូម្បីតែសម្ភារៈប្រើប្រាស់ប្រចាំ ថ្ងៃមានស៊ុមតែ ក្បាក់ វែកត្រឡោក ហិបស្លា អកកំបោរ…ជាដើមសុទ្ធតែមានឆ្លាក់ជាក្បាច់រចនាប្រកបដោយសិល្បៈយ៉ាងរស់រវើកហើយនៅ
ពេលស្លាប់ទៅវិញនោះសូម្បីតែក្តារម្ឈូសក៏មានរំលេចលម្អបន្ថែមដោយសិល្បៈប្រកបដោយក្បាច់រចនាយ៉ាងប្រណីតដែរ ។ ចំណែកឯរបាំវិញ ក៏មិនខុសគ្នាប៉ុន្មានពីទម្រង់សិល្បៈដទៃទៀតដែរ ព្រោះរបាំក៏ជាតម្រូវការរបស់ជីវិតខ្មែរដូចគ្នាដែរ ។

ជីវិតរស់នៅរបស់ប្រជាជនខ្មែរត្រូវការរបាំសម្រាប់ថ្វាយអារក្សអ្នកតា រាំបួងសួងដើម្បីសុំសេចក្តីសុខ សុំទឹកភ្លៀងសម្រាប់ធ្វើស្រៃចម្ការ
រាំបន់ស្រន់សុំឲ្យវត្ថុសក្តិសិទ្ធជួយបំបាត់ឧបទ្រពចង្រៃ រាំដើម្បីសុំសុខសប្បាយក្នុងពេលប្តូរភូមិមរស់នៅក្នុងភូមិថ្មី រហូតដល់រាំដើម្បីកៃ
កំសាន្តឬបំបាត់ការនឿយហត់ក្រោយពេលធ្វើពលកម្មនានាក្នុងជីវិតថែមទៀតផង ។

ជាទូទៅនៅប្រទេសកម្ពុជាយើងសង្កេតឃើញមានរបាំជាច្រើនដែលមានលក្ខណៈខុសៗគ្នាទាំងប្រភពកំណើត រូបភាព ពណ៌សម្បុរនិង
តួនាទីក្នុងសង្គមផងដែរ ។ យោងតាមការបង្ហាញពីសាស្ត្រាចារ្យនៃមហាវិទ្យាល័យនាដសាស្ត្រនិងតូរ្យតន្ត្រីនៃសាកលវិទ្យាល័យភូមិន្ទ
វិចិត្រសិល្បៈក្រុងភ្នំពេញបានឲ្យដឹងដែរថា ចំពោះសិល្បៈរបាំក្នុងប្រទេសកម្ពុជា មានរបាំខ្លះអាចមានប្រភពចេញមកពីសាសនាព្រាហ្មណ៍
រួចធ្វើដំណើរឆ្លងកាត់ដំណាក់កាលជាច្រើនមកដល់សម័យពុទ្ធសាសនាមហាយាន-ហីនយាន ជាប្រភេទសិល្បៈទេវៈដែលគេប៉ាន់ស្មាន
ថាជាស្នាដៃច្នៃប្រឌិតរបស់អ្នកប្រាជ្ញរាជបណ្ឌិត រួចក្រោយកមដិតជាប់ក្នុងពិធីនានានៃព្រះបរមរាជវាំង ។
ជាមួយគ្នានេះដែរក្នុងសៀវភៅ “ របាំខ្មែរ” ក៏បានបង្ហាញឲ្យដឹងផងដែរថារបាំខ្លះមានប្រភពចេញមកពីជំនឿអារក្សអ្នកតា (ជំនឿខ្មែរដើម)
ហើយជារបាំត្រូវបានថែមបន្តគ្នាពីជំនាន់មួយទៅជំនាន់មួយដែលគេរាប់ថាជាមរតក “ បន្តត្រកូល” របស់ជនជាតិខ្មែរនិងជនជាតិភាគតិច ដែលរស់នៅលើទឹកដីនៃព្រះរាជាណាចក្រកម្ពុជាតាមតំបន់ខុសៗគ្នានិងមានទម្លាប់ខុសៗគ្នាខ្លះផងដែលអ្នកស្រាវជ្រាវជាច្រើនយល់ថា
ជាស្នាដៃច្នៃ ប្រឌិតដែលចេញមកពីប្រភពមហាជន ប្រជាពលរដ្ឋ អ្នកស្រែចម្ការ…។ ក្នុងនេះដែរក៏មានរបាំមួយប្រភេទទៀតដែលត្រូវបាន គេចាត់ទុកជារបាំដែលមានប្រជាប្រិយភាពធំធេងជាងគេនៅក្នុងប្រទេសកម្ពុជាទាំងមួលពោលគឺនៅទីកន្លែងណាក៏មានរបាំនេះដូចគ្នា ទាំងអស់ទោះជានៅទីក្រុងឬជនបទ តំបន់ភ្នំ វាលទំនាប និងតំបន់មាត់សមុទ្រក្តី…ហើយមានលក្ខណៈពិសេសមួយទៀតគឺប្រជាពលរដ្ឋ ទូទាំងប្រទេទាំងក្មេងទាំងចាស់ទាំងប្រុសទាំងស្រីចេះរាំរបាំនេះទាំងអស់គ្នា ។ តាមការសន្និដ្ឋានគេអះអាងថារបាំប្រភេទនេះមានតួនាទី សម្រាប់កែកំសាន្តនិងធ្វើឲ្យសប្បាយចិត្តបំបាត់នឿយហត់ពីពលកម្មនានាតែប៉ុណ្ណោះ ។

អាស្រ័យដោយប្រទេសកម្ពុជាជាប្រទេសដែលសម្បូរទៅដោយរបាំដែលមានប្រភេទខុសៗគ្នាដូចបានរៀបរាប់ខាងលើ ទើបរហូតមកដល់
បច្ចុប្បន្ននេះ ខ្មែរយើងមានការនិយមចែករបាំទាំងនោះជាបីក្រុមគឺ របាំបុរាណខ្មែរ ឬរបាំព្រះរាជទ្រព្យ របាំប្រពៃណី និងរបាំប្រជាប្រិយខ្មែរ ។

(អត្ថបទ everyday.com.kh)